على جال الزمان اللي تحامل فيّ واشقانـي=جلست أسايل النفس الشقيه ويش مشقيها
وتهت بغبة بحور الهموم وبحر الأحزانـي=وزاد الهم هـم ولا لقيـت اللـي يداويهـا
ولاني بالش بثورة هموم النفس من دانـي=ليامنه تشـاوى هـم ثـوّر هـم يعميهـا
وجيت الملم جروحي ولا ماعـاد يمدانـي=تسايقتلـي هجوسـي وقامتلـي تضويهـا
سرى ليلي وانا معها وكـلٍ يتهـم الثانـي=تجادلني واجادلهـا مـن اولهـا لتاليهـا
ولابه واحدٍ منـا معـه حجـة وبرهانـي=ماغير نبادل التهمة وترميني وانا ارميهـا
وهذا حالنا ياليـن حـان المـذّن الثانـي=صدح صوته ينادي للصلاة وخيـر مافيهـا
وعذت الله من الشاطان واخسى كل شاطاني=ولبـت للنـدا نفسـي ونسيـت مايعنيهـا
وجيته مقبلٍ يمه وخوفـي منـه يحدانـي=جليسي سجل ذنوبي ونفسي قـدم واليهـا
طلبته من سخا فضله من النيـران ياقانـي=ونفسي لايعذبهـا بنـار يهـول صاليهـا
وهلت دمعتي رهبة واحس بشـي جوانـي=عجزت احدد ابعادة ولانـي قـادر ارويهـا
ولكن الصحيح اني هديت وهـاد ماجانـي=واحس بداخلي نشوة فرح ماكنـت هاقيهـا
سبحان مفرج الكربة وتوبة قلب ولسانـي=لكون العابد المخلص يالين الروح ينهيهـا
نايف المقاطي
تحياااااااتي
الرئيسية 
البوابة 
موضوع: ولابه واحدٍ منـا معـه حجـة وبرهانـي=ماغير نبادل التهمة وترميني وانا ارميهـا 
السبت أغسطس 09, 2008 12:17 pm
